Friday, November 7, 2008

opama_ اوباما




وكنت عايش يوم ماجه,
اول رئيس,
من اصل افريقى
وقبله مفيش
وتفائلت مع غيرى
وقلت مع غيرى:
خلاص هنهيص
ده واحد مننا
وكتير يشبهلنا
ويهمه الكل يعيش
لكن مع اول يوم,
لقيت اخبار تنرفز
ومليانة تهييس
اوباما جاب اسرائيلى
واللغوة انجليزى
على قلبه دمه خفيف
قلت ادى البداية
حيكمل للنهاية
بعيون بتشوف
شيش بيش...
زى الكتاب ماقال
من قبله ونفس الحال
وسياسته التهميش
يبعد كل العرب
ولليهود قترب
وف امورهم يعيش
ويعادى اللى عليهم
يضرب اللى يإذيهم
ويغير معنى شريف
******
الظاهر انى غلطان
ماالحسبة من زمان
ومحسوبة بشويش
عموما:
مبروك على امريكا
وصقور البيت الابيض
ومبروك للعريس

3 comments:

Anonymous said...

اكيد كلامك صح ,
عمر ما رئيس امريكانى يكون مسلم او متضامن مع العرب
لان اللى بيختاره اللوبى اليهودى فى امريكا
خالد قميحة/ دكرنس

Anonymous said...

مين اوباما ده؟
kiko_love@hotmail.com

Anonymous said...

اوباما ده عضو مجلس محلى عن دايرة البراجيل يا كابتن..
هانى فواز