Wednesday, December 31, 2008

universal films




*1
بنصور اجمد فيلم
لسنة جاية كلها غم
اول شمسها ما بتطلع
تطلع على ارض الحزن
اول مشهد كان اكشن
ودم ودم ودم
وشهدا وجرحى كتير
والعالم مش مهتم
CUT
*******
2*
لقطة لمنظرهم تحت الضرب
لقطةلام دموعها تفط
لقطةلبحر الدم السايل
لقطة على نهاية الشط
CUT
لقطة لهليكوبتر وصاروخ
لقطة لميت ولمجروح
لقطة لناس ماشية وبتروح
لقطة عامة لاوسخ حرب
CUT
لقطة على الناس الساكتة
صورة على مظاهرة بادئة
لقطة على قطاع غزة
وعامة على عالم منحط
CUT
صورة هناك لطفل شهيد
ولقطة قريبة تكون على ايد
مرفوعة لفوق ناحية السما
مؤثر صوتى:
يا رب
و CUT

Monday, December 29, 2008

10 نصائح لرمى الحذاء على الزعماء

1* الا يكون من الغرباء:
فيكو ن من بيننا
مثلا محتل لنا
وفى الارض باق
*******
2* نوع الحذاء:
قديم بجلد اصيل
كطبع العرب
يهوى كنصل السيف على العداء
*******
3* كن غاضبا:
******
4* حال المزاج:
لاسعادة
لا حزن
لا امل
لا شيئ الا المعتاد
*****
5* اّمن بسخرية القدر
****
6* امن بقدرة الحذاء:
فيكون رمزا للإباء
وكل فخر وكبرياء
****
7* لا تخش ردة فعل:
لا تنظر دبلوماسية
او هيبة سياسية
دعه يخترق الهواء
*****
8* كن صاحب قضية:
متبنى ايدولوجية
وبنظرة شمولية
من العالم مستاء
****
9* إجادة التصويب:
وحذاؤك لا يحيد
قريب او بعيد
اّلة حرب رعناء
*******
10* كن فى حذر:
ولياقتك اعلى قدر
فالامر لا يحتاج ذكاء

كان يا ما كان

كان يا ما كان
واحد اسمه بوش
ياما خرب بيوت
وذل فى النفوس
واتعجرف على مساكين
فى الدنيا شمال ويمين
وعلى حياتهم بيدوس

مسنود على الة حرب
ويدمر بيها ويهد
وماحدش ليه بيحوش

وماحدش يوم كان طايقه
عاوزين يشوفه نهايته
والعالم كان من خيبته
ساكت وماقالوش
****
لحد ماجه انسان
وف حلمه كان غلبان
وعايش على احزان
بلد حالها ميئوس

من غيظه وحبه لبلده
ودمه العربى وعرقه
والفكرة كات بتزاوله
وازاى ما يضربهوش؟؟

طلع بفكرة نوبل
سلاح موجود بالهبل
وماحدش خاد باله منه
بعنيننا ما شوفناهوش

قلع الفردة اللى ف رجله
والفردة عارفة طريقها
وطريق واحد معروف

تسلم ادين الواد
وبكل عزم الشباب
رمى بالتانية برضه
وبوش زى الخروف

مقدرش يصدق انه
جزمة عربى بتذمه
تقولش دى مولتوف !!

تحية ليك يا بطل
ياللى طلعت الامل
من تانى لناس كتيييير
فى الدنيا مالاقيتهوش
حبيبنا يا منتصر

Friday, November 7, 2008

opama_ اوباما




وكنت عايش يوم ماجه,
اول رئيس,
من اصل افريقى
وقبله مفيش
وتفائلت مع غيرى
وقلت مع غيرى:
خلاص هنهيص
ده واحد مننا
وكتير يشبهلنا
ويهمه الكل يعيش
لكن مع اول يوم,
لقيت اخبار تنرفز
ومليانة تهييس
اوباما جاب اسرائيلى
واللغوة انجليزى
على قلبه دمه خفيف
قلت ادى البداية
حيكمل للنهاية
بعيون بتشوف
شيش بيش...
زى الكتاب ماقال
من قبله ونفس الحال
وسياسته التهميش
يبعد كل العرب
ولليهود قترب
وف امورهم يعيش
ويعادى اللى عليهم
يضرب اللى يإذيهم
ويغير معنى شريف
******
الظاهر انى غلطان
ماالحسبة من زمان
ومحسوبة بشويش
عموما:
مبروك على امريكا
وصقور البيت الابيض
ومبروك للعريس

Wednesday, November 5, 2008

الجيل بتاعى






انا من جيل الالفيات
وتاريخ مغشوش للى فات
وجيل الحروب اللايف
وتصويت الانتخابات
واحنا اللى شفنا بث مباشر:
لقتل
وهتك عرض
وكتير من الحكايات
واحنا اللى شوفنا خطب وحماس
وكلام للخوف عشان ينداس
وتصفيق ودعم وحشد جيوش
علشان تعدى هناك
وتيجى عندى جوا بلدى وبلاداهلى
ودتدوس فى العربى الاحساس
جيل ولاد بغداد
ولبنان
والصومال
والشيشان
ودارفور السودان

عرفت انا جيلى مين؟؟؟

7/45 م الاربعاء
5/11/2008

Sunday, November 2, 2008

لأول مرة






لأول مرة
ماعرفش اقول
ماأعرفش اكتب
عن شيئ مجهول
لإنه واضح
زى الشمس...
مش محتاج
غير يظهر بس
بحقيقة من جوة عقول
وازاى هيظهر؟
واحنا ف خوف؟
بنخبى فيه ونقول دى ظروف
لكن طلع وحده وبيقول:
ان احنا متنا من زمن..
ومكدبين متنا على طول!!
10.18 الاحد 2/11/2008

Thursday, October 9, 2008

اوصفها ع الخريطة





اوصفها ع الخريطة
بلدى ام العجايب...
ام ضفاير وشريطة
عجوزة وبتكابر
عاملة فيها عبيطة
****************
عاملة لسة صغيرة
نامية مش متطورة
عايزة زقة من ورا
(من الناس البسيطة)
وتغنى بأم دى نغمة
من موسكوا لحد بنما
جوّا
وبرة ,
والأعنى:
فضيحة ع الخريطة
بص ...
مطرح ماصباعى علّم
مصر,
فيها كل شيئ ممكن
حتى ترابها يتلون
يديها خلطبيطة!
فيها مكان للكل
حرامى..
كلب...
ندل...
ولكل نصيب ف الاكل
الإ فقير جنب الحيطة.

27/9/2008 رمضان

Wednesday, September 24, 2008

اخدنا فيزا





مش ضرورى تنام يا عربى
فوق شوية م السلام
كام ميت سنة عايش بتحبى
وهوّا هوّا
نفس المكان
نفس الزمان,
بس إختلف...
بتغيير الاعلام
كان يوم قبايل وممالك
واليوم احلاف تتشابك
على اى حد غلبان
والدرس كان مفهوم واضح
بس انتا عملت فيها ناصح
ودفنتها زى النعام
كابس عليك النوم؟
ياعم فوق وقوم
ولّلا الكلمة ماليها لزوم؟
استحمل...
طبّق
لو يوم
حاول يبقالك مكان
حاول
قبل ماتخلص حاول
ويقولوا : مسكين يا حرام

عايز الحقيقة:
الغلطة كان ليها
كذا اب
زنوا بام الاوطان
ان كانوا جوه ولا برة
اللى حصل
حصل والسلام
ماتجيب اديك ويا اديا
ونفوق شوية من الكلام
ماحناش فراعنة ولا عرب
ولا حتى كنا
ولا مازلنا
اجدع ناس لكل زمان
دى مش حقيقة
الحقيقة ان :
اخدنا فيها
وخاد فيها كل الاوطان

Tuesday, September 9, 2008

الملك النعمان





يا صاحب عزب الخيال
ياللى عنتر فيك ما قال
ياللى فاتت سنين عليك
وعلى حكاوى حمر الجمال

ف السريع تحية
وكلام عاوز ينقال ...

بعيد اوى زمنك عن زمنى
وبلادك حتى مش تشبه بلدى
ولا حتى بيننا شيئ مقرى
غير ملك لينا ف الخيال

ازيك؟
عامل ايه؟
عنتر؟
ماهو راح
بس لسه باقية الجمال
هارد لك يا كنج
دول مبقوش تبعك
بقوا ملك راجل محتال
إسمه؟
العم سام
وطى صوتك
عايزه يجيلك بلجام؟
خليكوا اموت احرار
واتلم جوه قبرق
لا ييجى يحفّر عندك
ويقول نفط وتنشال
ويبقى الباقى منك ,
بنزين وعليه خناقات
او جوه دبابات
تحرت ارض تكون جنبك
وتزرع نبت اموات
خلينا ساكتين احسن
وخليك نايم ف سكات

سلام يا كنج

Sunday, August 31, 2008

سؤال برئ





من ابسط حقوق الانسان
الحرية..
هل هنا لها اهمية؟
*إطلاقا
لا تعنى شيئا
فهى خرافات
او من اوهام المدنية..
- إذا.
.لا داعى لاشكو
او اقول حديثا
..وأطلب رؤية مثالية
* يفضل ,
فالشكوى حال الجمع هنا
ا بطريقة إعتيادية.

Wednesday, July 16, 2008

as a start with al ostaz.....negm

طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي
* * لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي **
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي **
لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي
* * لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي طاطي
راسك طاطي طاطـــي
انت ف وطن ديمقراطــــــي **
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي **
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
أنت ف وطن ديمقراطــــــي أنت ف وطن ديمقراطـــــــي
احمد فؤاد نجم