Wednesday, December 9, 2009

بمناسبة موضوع الماّذ ن




سمعت صوت الاذان

مش زى كل مرة
جوايا كان زعلان
خايف من جاى بكرة

معقولة اعيشه يوم
وماسمعوش تانى
يبقى فى دماغى ذكرى؟؟؟

حصلت هناك فى بلاد
بتدعى الحضارة
واخرها ف سويسرا
وقبلها الالمان وكمان
ف ارض الهنود الحمرا

بيحاربوا شيئ فى خيالهم
تتسمى اعبط فكرة

بيوصفونا اعداؤهم
وعقولنا مش بتفهم
وجودنا حاجة خطرة

**طيب مين كان بدأ
حروب فى ارض الشرق
وإستعمر فيها وشق
ولا الكلام بالبق؟؟
هنعديهالكم مرة

طب مين عاش فى بلادنا
رحبنا بيه وسطنا
واكل من اكلنا
وتجاور عندنا
ماشافش بسمة صفرا؟؟؟

واصلا م الاساس,,
طلع منين الدين؟
مش برده عندنا؟
محمد, موسى, عيسى, ومريم العذرا ؟؟؟
ماتفوقى بقى يا ارووبا
بلاش هلوسة الخمرة

Friday, October 9, 2009

على حاجز ارض عربية





عند البوابة ...
رفع ايده بتحذير وقال ستوب
وقف سرب الناس
(مع انهم واقفين )
والحالة زادت كرب
قرب وبص فيهم
والالى مرفوع عليهم
مستنى كلمة لاء
عشان عليها يرد
وبإستفزاز لده وده
بلطجة على ده وده
وقّفهم عند الحاجز
وقرفصهم ع الارض
وبعربى مكسر , قاله :
تعالى
وشاورله ادور
وفتشه من فوق لتحت
وهبش ف الشنطة الهاند
طلع تليفونه , ساعته,
حتى كمان الووكمن
وفلوسه كمان طبعا
اوراقه كان قطعّها
وقاله وهو زاقّه:
عدى ان عرفت
5/5/5

Monday, August 17, 2009

تفضل تعيش






تفضل تعيش على الم الناس
تفضل مدرمغ فى الاحساس
لحد وقت يعدى عليك
تلاقى نفسك تقول خلاص
وتلاقى نفسك بتسالك :
مالك؟
وتلقى كلام بيقتلك
زى الوطن والعزيمة والحماس
وكلام كبير يوجع الراس
*********
وتلاقى سؤال مالوش اجابة
اخرتها ايه فى دنيا غابة؟
القوى بيفرم فى غيره
والضعيف الخوف مصيره
والكل قال احنا غلابة
**********
والغريب اتقاله ويلكم
ومشينا وراه على خط سيره

ولا فى كلام ايام زمان
ماتقولش ارضى واهلى ولا الاوطان
وتملى قول كلمة سلام
خلى الدماغ ع الزيرو
ماتشلش يوم او تحرق دمك
تضرب ماتقلب ما يهمك
مادام مش عارف ايه بعيد عنك
يبقى يعيش جحا وطوره
لكن ان فضلت تعيش مجروح
لناس فاكرها فيها الروح
لكرامة حق بقى مدبوح
ماعرفش اقولك غير
ياخسارة...
اصرخ ونادى هترجع صوتك مبحوح

Tuesday, January 13, 2009

وقت ميت




كتب القلم وخط الأه
يقول شعور مظلوم فى بلاه
اول ما يصرخ يرموا عليه
والنار بقت مالية سماه
والدمار غطى على عينه
ومعنى العربى فى لسانه تاه
يقف يبص شمال ويمين
يلقى ناس هناك مجانين
بيحاربوا فيه معنى الحياة
والوقت واقف على التلين
يحسب فى شهدا متكومين
ولقى التاريخ فوت سطرين
مكسوف يقول م اللى لاقاه
هيكتب ايه ولا ايه ولا ايه؟
رمى القلم وورق حودايته
قال :
لا اله الا الله