Thursday, October 9, 2008

اوصفها ع الخريطة





اوصفها ع الخريطة
بلدى ام العجايب...
ام ضفاير وشريطة
عجوزة وبتكابر
عاملة فيها عبيطة
****************
عاملة لسة صغيرة
نامية مش متطورة
عايزة زقة من ورا
(من الناس البسيطة)
وتغنى بأم دى نغمة
من موسكوا لحد بنما
جوّا
وبرة ,
والأعنى:
فضيحة ع الخريطة
بص ...
مطرح ماصباعى علّم
مصر,
فيها كل شيئ ممكن
حتى ترابها يتلون
يديها خلطبيطة!
فيها مكان للكل
حرامى..
كلب...
ندل...
ولكل نصيب ف الاكل
الإ فقير جنب الحيطة.

27/9/2008 رمضان